A REAL ACADEMIA GALEGA DA LINGUA ELIXÍU A MANUEL MARÍA PARA CONMEMORAR O DÍA DAS LETRAS GALEGAS DE 2016.
O CARRO
Non canta na Chá ninguén.
Por eso o meu carro canta.
Canta o seu eixo tan ben
que a señardade me espanta.
Non hai canto tan fermoso:
fino como un asubío.
Anque é, ás vegadas, saudoso,
faise, no ar, rechouchío.
O meu carro é cerna dura:
sábese carballo e freixo.
¡Que fermosa a súa feitura!
¡Que lixeireza a do eixo!
As cousas vanse aledando
por onde o meu carro pasa.
¡Carrétame herba pró gando!
¡Traime a colleita pra casa!
Terra Chá, 1954
Duros carballos verdeados,
petrucios e sedentarios!
Estades na Chá chantados
solemnes e centenarios!
Como amo a vosa beleza
da máis baril sobriedade!
Que sensación de forteza
ollando prá eternidade!
Duros carballos verdeados,
petrucios e sedentarios!
Estades na Chá chantados
solemnes e centenarios!
Como amo a vosa beleza
da máis baril sobriedade!
Que sensación de forteza
ollando prá eternidade!
